ياسعود لاتنشد عن الحال ياسعود تركي الميزاني

يا سعود لا تنشد عن الحال يا سعود

الحال ولّى في الزمان المولي

والجسم الأقشر قام ينحل كما العود

والهم خاويني معي مثل ظلي

لو قلت لك موجود ماني بموجود

أضحك وأجامل واحدن ما فطن لي

متبعدن عن كل شاذب ونمرود

ومنزحن بين الخلايق محلي

يا سعود يوم الهرج له قن وحدود

وداني أكتبلك عن اللي حصلي

واللي حصلي له مصادير وورود

أقفت صدوره والورود أقبلني

من عقب ما سافر على زورق النود

عود وجا من سفرته راجعن لي

وأول جوابه لي مقابيس وزنود

ونارن تشل أطراف الأضلاع شلي

وإن قلت مالك من ورى القلب مقصود

وإن كان لك مقصود عبِّر وقلي

تال الزمان يبين البيض والسود

لا تحسبني راجعن لك تسلي

وإن قلت وش رجعك لأفدت بالفود

قال أنشد اللي جابني من محلي

ما جابه إلّا من يقود الهوا قودقود

البعير اليا امتنع لا يفلي

الصاحب اللي دونه الحزم ممدود

بقصى جبالن حيدها عارضنلي

أرسل مراسيله يبى العلم موكود

ياليت مرسوله جلس ما وصلي

عقب السنين مشيبة كل مولود

اليوم من فرقاه دمعي يهلي

يا سعود قلبي راح ما عنه منشود

كب الضلوع وراح مرواح خلي

اقرأ أيضًا: شيله الله اكبر ياجمالك نادر الشراري كاملة مكتوبة

تحميل قصيدة ياسعود لاتنشد عن الحال يا سعود

يمكن تحميل قصيدة يا سعود لا تنشد عن الحال يا سعود مباشرة “من هنا” وذلك بصيغة mp4.

مشاهدة يا سعود لا تنشد عن الحال

كما يمكن مشاهدة الفيديو عبر المرفق أدناه:^[1]

بهذا قد تم الحديث عن يا سعود لاتنشد عن الحَال ياسعود تركي الميزاني كما تم إرفاق كلمات هذه القصيدة، بالإضافة إلى رابط تحميلها بصيغة mp4.